Qurultay Azərbaycanın ərazi bütövlüyü uğranda canlarından keçmiş şəhidlərimizin əziz xatirəsinin 1 dəqiqəlik sükutla yad edilməsi və Azərbaycan Rerspublikasının Dövlət Himninin səslənməsi ilə açıq elan olunub.

Müstəqil Azərbaycanın gənc nəslinin təlim-tərbiyə işinin düzgün təşkilindən, vətəndaşlıq hazırlığından, vətənpərvər gəncliyin cəmiyyətdəki rolundan, “Azərbaycan Vətənpərvərlər” İctimai Birliyinin yeniyetmə və gənclər arasında vətənpərvərlik xarakterli maarifləndirmə işləri aparmasından danışıldıqdan sonra qurultayın əsas məqsədi açıqlanıb. Azərbaycan Vətənpərvərlər İctimai Birliyinin qarşısında duran əsas məqsəd və gələcək planlar, ictimai birliyin yeni sədrinin seçilməsi, idarə heyətinin təstiq olunmasi və ictimaiyyətə elan olunması, İctimai Birliyin fəaliyyətində fəal mövqe tutduğuna görə fərqlənən üzvlərin Fəxri fərman və təşəkkürnamələrlə mükafatlandırılması,yeni üzvlük vəsiqələrinin verilməsi vurğulanıb.

Azərbaycan Vətənpərvərlər İctimai Birliyinin təsisçisi və ilk rəhbəri Elvin Mahmudzadə nitqində birliyin keçdiyi uğurlu fəaliyyət yolundan danışıb. Azərbaycan Vətənpərvərlər İctimai Birliyinin yeni sədrinin seçilməsi ilə bağlı səsvermə həyata keçirildi. Səsvermə uğurla bitdikdən sonra Azərbaycan Vətənpərvərlər İctimai Birliyinin sədri Xüsusi Təyinatlı Qüvvələrin baş giziri, 44 günlük Vətən müharibəsinin qazisi, Sumayıt Tibb mərkəzinin mühafizə xidmətinin rəisi Məmmədov Mahir Natiq oğlu seçilib. Daha sonra çıxış üçün 44 günlük Vətən müharibəsi şəhidi, Xüsusi Təyinatlı Qüvvələrin kapitanı, “Sarı Komutan” ləqəbli Kamil Şirinovun atası Əliş Şirinova söz verilib.


Ardınca “Azərbaycan Vətənpərvərlər “ İctimai Birliyinin idarə heyətinin üzvləri Xəyalə Maarifqızı, Nigar Rzayeva, Elvin Abbasov, Elvin Vəliyev, Rəfael Nuriyev nitqlərində yeni seçilən sədrə uğurlar diləyiblər.

Həmçinin tədbirdə İctimai Birliyin şəhər və rayon təşkilat sədrləridə iştirak edib, gələcəkdə görüləcək işlər haqqında iştirakçılara məlumat verilmişdir.
Şəhər və rayon təşkilatlarının sədrləri təşkilat üzvlərinə vəsiqələr və təşəkkürnamələr təqdim ediblər.

”Azərbaycan Vətənpərvərlər” İctimai Birliyinin bir sıra üzvləri Fəxri fərmanla təltif olunub. Hər bir üzvə qarşıda duran fəaliyyət planının icrasında müvəffəqiyyət arzu edilərək tədbir yekunlaşdırılıb.